రష్యా సంచలన నిర్ణయం…యుద్ధం దెబ్బకు దేశం మొత్తం ఖాళీ..పుతిన్ వేసిన వేసిన మాస్టర్ ప్లాన్ ఇదే

మనం ఇప్పుడు చూస్తున్న ప్రపంచం, ఒక పదిహేను, ఇరవై ఏళ్ల క్రితం ఉన్న ప్రపంచానికి చాలా తేడా ఉంది. ముఖ్యంగా పెళ్లిళ్లు, పిల్లల విషయంలో మన ఆలోచనలు మొత్తం మారిపోయాయి. ఒకప్పుడు, అంటే మన అమ్మానాన్నల కాలంలో కావచ్చు, అంతకుముందు తరం వాళ్లది కావచ్చు, పరిస్థితి వేరేలా ఉండేది. అప్పట్లో ఒక అమ్మాయి పెద్ద మనిషి అయ్యింది అంటే, ఇంక చదువు ఆపేసి పెళ్లి చేసేయాలి అనే ఆలోచన ఎక్కువగా ఉండేది. అలాగే అబ్బాయికి కొద్దిగా వయసు రాగానే, అంటే యుక్త వయసు రాగానే, వాడికి ఒక పెళ్లి చేసి బాధ్యత అప్పగిస్తే దారిలో పడతాడు అనుకునేవాళ్లు.

ఆ రోజుల్లో స్కూల్‌కి వెళ్తూనే పెళ్లిళ్లు అయిన అమ్మాయిలు, అబ్బాయిలు చాలా మంది ఉండేవారు. చదువు పూర్తవ్వకముందే వాళ్లకు పెళ్లిళ్లు అయిపోయేవి. కానీ తర్వాత రోజులు మారాయి, చట్టాలు వచ్చాయి. అమ్మాయికి ఖచ్చితంగా 18 ఏళ్లు, అబ్బాయికి 21 ఏళ్లు నిండితేనే పెళ్లి చేయాలి, అంతకంటే ముందు చేస్తే అది చట్టప్రకారం నేరం అని ప్రభుత్వం కఠినమైన రూల్స్ తెచ్చింది. ఇది చాలా మంచి మార్పే. బాల్య వివాహాలు ఆగిపోయాయి, పిల్లలకు చదువుకునే అవకాశం దొరికింది.

కానీ, ఈ మార్పుతో పాటు ఇంకొక కొత్తరకం ట్రెండ్ మొదలైంది. ఇప్పుడు అమ్మాయిలు "మా చదువులు పూర్తి కావాలి, మాకు మంచి జాబ్ రావాలి, మేము సొంతంగా సెటిల్ అవ్వాలి" అని గట్టిగా ఆలోచిస్తున్నారు. అలాగే అబ్బాయిలు కూడా "నేను బాగా సంపాదించాలి, లైఫ్‌లో సెటిల్ అవ్వాలి, ఒక ఇల్లు, కారు అన్నీ సంపాదించాకనే పెళ్లి చేసుకోవాలి" అని అనుకుంటున్నారు. ఇది మాత్రమే కాదు, అమ్మాయిలు కూడా తమకు కాబోయే వాడు బాగా సెటిల్ అయిన అబ్బాయే కావాలని కోరుకుంటున్నారు. అబ్బాయిలు కూడా, "మాకు కాబోయే అమ్మాయిలో ఇలాంటి లక్షణాలు ఉండాలి, వాళ్ళు కూడా జాబ్ చేస్తే మంచిది" అని లెక్కలు వేసుకుంటున్నారు.

ఈ లెక్కలు, ఈ సెటిల్మెంట్లు అన్నీ చూసుకునే సరికి పెళ్లి వయసు బాగా పెరిగిపోయింది. ఒకప్పుడు 20, 22 ఏళ్లకే పెళ్లిళ్లు అయిపోయేవి, కానీ ఇప్పుడు పాతికేళ్లు పోయి, ముప్పై ఏళ్లు దాటిపోతున్నాయి. కొంతమందికి నలభై ఏళ్లు వస్తున్నా పెళ్లి కావట్లేదు. ఇలా చాలా ఆలస్యంగా పెళ్లి చేసుకున్నాక, పిల్లల గురించి ప్లాన్ చేసుకునే టైంకి, చాలామందికి ఆరోగ్య సమస్యలు అడ్డు వస్తున్నాయి. వయసు పెరగడం వల్ల పిల్లలు పుట్టడం కష్టం అవుతోంది.

ఒకవేళ పిల్లలు పుట్టినా, ఆ పిల్లలు చిన్నగా ఉన్నప్పుడు తల్లిదండ్రులు చాలా పెద్దవాళ్లలా కనిపిస్తున్నారు. ఆ పిల్లలకు, వీళ్ళు తమ తల్లిదండ్రులా లేక తాతయ్య, అమ్మమ్మలా అనే డౌట్ వచ్చేంత గ్యాప్ వచ్చేస్తోంది. తెల్లబడిన జుట్టుకు రంగు వేసుకుని, వయసును దాచుకుంటూ బ్రతకాల్సిన పరిస్థితి. ఇది ఇప్పుడు చాలా దేశాల్లో మనం చూస్తున్న నిజం.

ఇలాంటి పరిస్థితుల్లో, రష్యా దేశానికి ఒక కొత్త, చాలా పెద్ద సమస్య వచ్చి పడింది. వాళ్ల దేశంలో కూడా అందరిలాగే పెళ్లిళ్లు ఆలస్యం కావడం, పిల్లల్ని కనడం తగ్గించడం వంటి సమస్యలు ఉన్నాయి. కానీ వీటన్నిటినీ మించి ఇంకొక పెద్ద దెబ్బ తగిలింది. అదే ఉక్రెయిన్‌తో జరుగుతున్న యుద్ధం. ఈ యుద్ధం వల్ల రష్యా సైన్యంలో పనిచేస్తున్న ఎంతో మంది యంగ్ స్టర్స్, అంటే యువకులు ప్రాణాలు కోల్పోయారు. చాలా మందికి తీవ్రంగా గాయాలు అయ్యాయి.

ఇలా ఒకవైపు యుద్ధంలో యువకులు చనిపోవడం, మరోవైపు దేశంలో ఉన్నవాళ్లు ఆలస్యంగా పెళ్లిళ్లు చేసుకోవడం, లేదా అసలు పిల్లలే వద్దు అనుకోవడం... ఈ రెండు కారణాల వల్ల రష్యాలో పిల్లల జననాల రేటు, అంటే పుట్టే పిల్లల సంఖ్య దారుణంగా పడిపోయింది. దేశంలో యువత తగ్గిపోతే, దేశ భవిష్యత్తు ఏమవుతుంది? సైన్యంలోకి వెళ్లడానికి, దేశంలో పనులు చేయడానికి మనుషులు ఏమైపోవాలి? ఈ భయం రష్యా ప్రభుత్వాన్ని పట్టుకుంది.

ఈ భయంకరమైన ప్రాబ్లం నుండి బయటపడటానికి, దేశంలో జనాభాను మళ్లీ పెంచడం కోసం, రష్యా ప్రభుత్వం ఒక సంచలన నిర్ణయం తీసుకుంది. ఒక చాలా పెద్ద, కొత్త చట్టాన్ని తీసుకొచ్చింది. ఈ చట్టం ప్రకారం, రష్యాలో ఆడవాళ్లు ఎవరైనా ప్రెగ్నెంట్ అయితే, అంటే గర్భవతి అయితే, వాళ్లు ఏ ఆఫీసుకి వెళ్లి పని చేయాల్సిన అవసరం లేదు. వాళ్లు హాయిగా ఇంట్లోనే ఉండొచ్చు. పిల్లల్ని కన్న తర్వాత కూడా, ఆ తల్లులు ఇంట్లోనే ఉంటూ పిల్లల్ని చూసుకోవచ్చు.

ఇక్కడే అసలు విషయం ఉంది. అలా ఇంట్లో ఉండి పిల్లల్ని కంటున్నందుకు, వాళ్లను పెంచుతున్నందుకు, రష్యా ప్రభుత్వం ఆ మహిళలను అఫీషియల్ ఎంప్లాయీస్ కింద, అంటే ప్రభుత్వ ఉద్యోగుల కింద గుర్తిస్తుంది. వాళ్లు ఏ పని చేయకపోయినా, ఇంట్లో ఉండి పిల్లల్ని చూసుకుంటున్నందుకు వాళ్లకు జీతం లాగా ప్రతి నెలా పెన్షన్ ఇస్తుంది.

మొదటగా పిల్లలు పుట్టినప్పుడు ఇచ్చే మెటర్నిటీ లీవ్ లాగా ఈ డబ్బులు ఇస్తారు. ఆ లీవ్ టైం అయిపోయిన తర్వాత, ఆ తల్లి కావాలంటే మళ్లీ తన పాత ఉద్యోగానికి వెళ్లి జాయిన్ అవ్వచ్చు. ఒకవేళ "లేదు, నా పాత జాబ్ నాకు వద్దు, నేను ఇంట్లోనే ఉండి నా పిల్లల్ని చూసుకుంటాను" అని ఆ తల్లి నిర్ణయించుకుంటే, రష్యా ప్రభుత్వం వాళ్లకు జీవితకాలం, అంటే వాళ్లు బ్రతికి ఉన్నంత వరకు పెన్షన్ ఇచ్చేలా ఒక నమ్మశక్యం కాని నిర్ణయం తీసుకుంది. అంటే, పిల్లల్ని కనడం, పెంచడం అనేది కూడా దేశానికి సేవ చేసే ఒక ఉద్యోగం లాగా రష్యా ప్రభుత్వం చూస్తోందన్నమాట.

ఇది మాత్రమే కాదు, ఇంకో పెద్ద ఆఫర్ కూడా ఇచ్చారు. ఎవరైనా పిల్లల్ని కనడానికి సిద్ధపడితే, వాళ్లకు రిటైర్మెంట్ వయసులో, అంటే 60 ఏళ్లు దాటాక వచ్చే బెనిఫిట్స్, డబ్బులు ఏవైతే ఉంటాయో, వాటన్నిటినీ ఇప్పుడే, వెంటనే ఇచ్చేస్తారు. మామూలుగా అయితే ఈ డబ్బుల కోసం వాళ్లు రిటైర్ అయ్యేదాకా ఆగాలి. కానీ పిల్లల్ని కంటున్నందుకు, ఆ రిటైర్మెంట్ డబ్బులను కూడా ముందే ఇచ్చేస్తున్నారు.

ఇలా ఎందుకు చేస్తున్నారు అంటే, ఆ వచ్చే డబ్బులతో వాళ్లు తమ పిల్లల్ని ఎలాంటి ఆర్థిక ఇబ్బందులు లేకుండా, ధైర్యంగా పెంచుకోవచ్చు. డబ్బు లేదే, పిల్లల్ని ఎలా పెంచాలి అనే భయం, ఆ సెక్యూరిటీ లేకపోవడం అనేది జనాలకు ఉండకూడదు. డబ్బు గురించి ఆలోచించకుండా, ధైర్యంగా పిల్లల్ని కనండి, వాళ్లను పెంచండి, మీకు కావలసిన డబ్బు, సెక్యూరిటీ మేము ఇస్తాం అని రష్యా ప్రభుత్వం ఒక పెద్ద భరోసా ఇస్తోంది. దేశం కోసం, దేశ భవిష్యత్తు కోసం జనాభాను పెంచుకోవడానికి రష్యా ఇంత పెద్ద అడుగు వేసింది.