ధన త్రయోదశి నాడు భారీగా తగ్గిన బంగారం, వెండి ధరలు

ఈ రోజు అక్టోబర్ 18. భారతదేశంలో చాలా మందికి ఇది చాలా ముఖ్యమైన రోజు, ఎందుకంటే ఈ రోజు ధంతేరస్ పండుగను ఈ పండుగనే ధన త్రయోదశి అని అంటారు. ధంతేరస్ రోజున బంగారం లేదా వెండి కొనడం చాలా మంచిదని, అదృష్టాన్ని తెస్తుందని చాలా మంది నమ్ముతారు. అందుకే ఈ రోజు నగల దుకాణాలు చాలా రద్దీగా ఉంటాయి. అయితే, ఈ సంవత్సరం బంగారం కొనాలనుకునే వారికి ధరలు చూసి కొంచెం ఆందోళన కలగవచ్చు, ఎందుకంటే బంగారం ధరలు చాలా ఎక్కువగా ఉన్నాయి.

నిజానికి, నిన్న అంటే అక్టోబర్ 17వ తేదీన బంగారం ధరలు కొద్దిగా తగ్గాయి. అంతకుముందు రోజు ధరలు ఆల్-టైమ్ హైకి చేరుకున్నాయి. ఈ రోజు బంగారం, వెండి ధరలు భారీగా తగ్గడానికి ఒక అంతర్జాతీయ కారణం ఉంది. అమెరికా ప్రెసిడెంట్ డొనాల్డ్ ట్రంప్ ఒక సూచన ఇచ్చారు. ఆయన చైనా వస్తువులపై అదనంగా 100 శాతం పన్నులు వేశారు. అయితే ఆయన మాట్లాడుతూ, ఈ పన్నులను ఎక్కువ కాలం కొనసాగించడం కుదరకపోవచ్చని అన్నారు. అంటే ట్రేడ్ వార్ శాశ్వతం కాదని, తాత్కాలికమేనని ఆయన ఇండికేషన్ ఇచ్చారు. ఈ వార్త బయటకు రాగానే, అంతర్జాతీయ మార్కెట్‌లో బంగారం, వెండి ధరలు గురువారం నుంచి అంటే అక్టోబర్ 17 నుంచి పడిపోవడం ప్రారంభించాయి, అదే ట్రెండ్ ఈ రోజు కూడా కొనసాగుతోంది. బంగారం, వెండి ధరలు భారీగా తగ్గడంతో ప్రజలు ఆనందం వ్యక్తం చేస్తున్నారు.

అక్టోబర్ 17వ తేదీన బంగారం ధరలు ఒకేసారి 2 శాతానికి పైగా పడిపోయాయి. అంతకుముందు, ఒక ఔన్స్ బంగారం ధర $4,300 డాలర్ల రికార్డు స్థాయిని దాటింది. కానీ నిన్నటి ట్రేడింగ్‌లో, 'స్పాట్ గోల్డ్' ధర 2.6 శాతం తగ్గి ఔన్స్‌కు $4,211 డాలర్ల వద్ద ఉంది. 'స్పాట్ గోల్డ్' అంటే మనం డబ్బులు చెల్లించి వెంటనే బంగారం డెలివరీ తీసుకునే ధర. అదే సమయంలో, 'యూఎస్ గోల్డ్ ఫ్యూచర్స్' ధర కూడా తగ్గింది. 'ఫ్యూచర్స్' అంటే భవిష్యత్తులో ఒక తేదీన డెలివరీ తీసుకోవడానికి ఈ రోజే కుదుర్చుకునే ఒప్పందం. ఈ ఫ్యూచర్స్ ధర 2 శాతం తగ్గి $4,213 డాలర్ల వద్ద స్థిరపడింది.

ఈ రోజు ధంతేరస్ సందర్భంగా చాలా మంది బంగారం కొనడానికి సిద్ధంగా ఉన్నారు. 

సాధారణంగా, మార్కెట్ నిపుణులుబంగారం మరియు వెండిని 'సేఫ్ హెవెన్'పెట్టుబడులు అని పిలుస్తారు. 'సేఫ్ హెవెన్' అంటే 'సురక్షితమైన ప్రదేశం' అని అర్థం. ఎందుకంటే, ప్రపంచవ్యాప్తంగా మార్కెట్లు చాలా 'వోలటైల్' గా ఉన్నప్పుడు ఇవి మన డబ్బుకు రక్షణ ఇస్తాయి. 'వోలటైల్' అంటే, స్టాక్ మార్కెట్ ధరలు చాలా వేగంగా, ఊహించని విధంగా పైకి లేదా కిందికి పడిపోవడం. ఇలాంటి సమయంలో, లేదా ఏదైనా యుద్ధం వంటి భయాలుపెరిగినప్పుడు, ఇన్వెస్టర్లు రిస్క్ తీసుకోవడానికి ఇష్టపడరు వారు తమ డబ్బును స్టాక్స్ నుండి తీసివేసి, బంగారం లేదా వెండి వంటి వాటిలో పెడతారు. ఎందుకంటే, స్టాక్ ధరలు సున్నాకు పడిపోవచ్చు, కానీ బంగారం విలువ ఎప్పటికీ సున్నా కాదు, దానికి ఎప్పుడూ ఒక విలువ ఉంటుందని నమ్ముతారు. అందుకే వీటిని 'సేఫ్' పెట్టుబడులు అంటారు.

గత 20 సంవత్సరాల రికార్డు చూస్తే, బంగారం ధరలు అద్భుతంగా పెరిగాయి. ఉదాహరణకు, 2005 సంవత్సరంలో 10 గ్రాముల బంగారం ధర సుమారు ₹7,638 మాత్రమే. కానీ, 2025 జూన్ నాటికి, అదే 10 గ్రాముల బంగారం ధర ₹1,00,000 దాటిపోయింది. అంటే, ధరలు ఏకంగా 1,200 శాతం పెరిగాయి. ఈ 20 ఏళ్లలో, 16 సంవత్సరాలు బంగారం కొన్నవారికి లాభాలే వచ్చాయి. కేవలం ఈ సంవత్సరం మాత్రమే చూసుకుంటే, బంగారం ధరలు ఇప్పటికే 31 శాతం పెరిగాయి. అందుకే 2025లో ఉత్తమ పనితీరు కనబరిచిన పెట్టుబడుల్లో బంగారం ఒకటిగా నిలిచింది. ఇది మన పెట్టుబడులకు ఒక నమ్మకమైన రక్షణ (reliable hedge) లా పనిచేస్తుంది.

బంగారంతో పాటు వెండి కూడా చాలా బలంగా నిలబడింది. గత కొన్ని నెలలుగా, వెండి ధర కిలోకు ₹1 లక్ష రూపాయలకు పైనే స్థిరంగా కొనసాగుతోంది. గత 20 ఏళ్లలో , వెండి ధర కూడా 668 శాతం పెరిగింది. ఇది కూడా చాలా మంచి పెరుగుదలే.

ఈ రోజు అంటే అక్టోబర్ 18 బంగారం, వెండి ధరలు ఎలా ఉన్నాయో ఇప్పుడు తెలుసుకుందాం.

అక్టోబర్ 18 అంటే ఈ రోజు , 10 గ్రాములకు ₹1,27,320 వద్ద ఉంది. అదే సమయంలో, వెండి ధర కిలోకు ₹1,57,300 గా నమోదైంది.

అలాగే, 22-క్యారెట్ బంగారం ధర 10 గ్రాములకు ₹1,16,710 గా ఉంది. 22-క్యారెట్ బంగారంలో, బంగారంతో పాటు కొద్దిగా రాగి లేదా ఇతర లోహాలను కలుపుతారు. ఎందుకంటే స్వచ్ఛమైన బంగారం చాలా మెత్తగా ఉంటుంది, నగలు చేయడానికి వీలుగా గట్టిదనం కోసం ఇలా కలుపుతారు. మనం కొనే ఆభరణాలు ఎక్కువగా 22-క్యారెట్‌లో చేస్తారు. ఇక వెండి ధర కిలోకు ₹1,57,300 వద్ద ఉంది.

ఇక్కడ మీరు ఒక ముఖ్యమైన విషయం గమనించాలి. పైన చెప్పిన ధరలుబులియన్ ధరలు మాత్రమే. మనం అంటే రిటైల్ కస్టమర్‌లు, నగల దుకాణానికి వెళ్లి కొన్నప్పుడు, వాళ్లు ఈ ధరపై అదనంగా కొన్ని ఛార్జీలు వేస్తారు. అవి:

మేకింగ్ ఛార్జీలు : బంగారాన్ని నగగా తయారు చేయడానికి అయ్యే ఖర్చు. ఇది డిజైన్‌ను బట్టి మారుతుంది.

పన్నులు : ప్రభుత్వం విధించే పన్నులు.

GST: బంగారం కొనుగోలుపై GST కూడా కట్టాలి.

ఇవన్నీ కలిపిన తర్వాత వచ్చేదే మనకు బిల్లులో వేసే 'ఫైనల్ ప్రైస్'. కాబట్టి, పేపర్‌లో చూసిన ధరకు, దుకాణంలో ధరకు ఎప్పుడూ తేడా ఉంటుంది.

వివిధ నగరాల్లో ఈ రోజు (అక్టోబర్ 18) బంగారం, వెండి ధరలు ఎలా ఉన్నాయో ఇప్పుడు తెలుసుకుందాం

ఇప్పుడు ఢిల్లీ, కోల్‌కతా, ముంబై, హైదరాబాద్, బెంగళూరు, మరియు చెన్నై వంటి ప్రధాన నగరాల్లో ధరలు ఎలా ఉన్నాయో చూద్దాం.

ముంబైలో బంగారం మరియు వెండి ధరలు

ముంబై నగరంలో, 10 గ్రాముల బంగారం ధర ₹1,27,320 గా ఉంది. ఇక వెండి విషయానికి వస్తే, ముంబైలో కిలో వెండి ధర ₹1,57,300గా ఉంది. ఢిల్లీలో బంగారం మరియు వెండి ధరలు

హైదరాబాద్‌లో బంగారం మరియు వెండి ధరలు ఎలా ఉన్నాయో ఇప్పుడు తెలుసుకుందాం…

హైదరాబాద్‌లో ధరలు ఎలా ఉన్నాయో చూస్తే, 10 గ్రాముల బంగారం ధర ₹1,27,520 గా ఉంది. కానీ, ఇక కిలో వెండి ధర ₹1,57,550 గా ఉంది. విజయవాడలో కూడా బంగారం రేట్లు హైదరాబాద్ నగరంలో లానే ఉన్నాయి.

గతంతో పోలిస్తే బంగారం, వెండి ధరలు తగ్గడంతో ప్రజలు బంగారం షాపులకు క్యూ కట్టారు.. ధన త్రయోదశి సందర్భంగా ఈ రోజు మంచి సేల్స్  ఉంటాయని జ్యూలయరీ షాపు యజమానులు ఆశాభావం వ్యక్తం చేస్తున్నారు.