బంగారం కొనాలనుకునేవారికి గుడ్ న్యూస్..భారీగా పడిపోయిన ధరలు..కొనడానికి ఇదే 'గోల్డెన్ ఛాన్స్

మన దేశంలో, అంటే ఇండియాలో, బంగారం అనేది కేవలం ఒక లోహం మాత్రమే కాదు, అదొక సెంటిమెంట్. మన సంస్కృతిలో, పండుగల్లో, పెళ్లిళ్లలో బంగారం ఉండాల్సిందే. ఇది కాకుండా, చాలా మందికి బంగారం అనేది ఒక నమ్మకమైన 'సేఫ్ ఇన్వెస్ట్‌మెంట్'. అంటే, మన డబ్బును దాచుకోవడానికి ఒక సురక్షితమైన మార్గం. స్టాక్ మార్కెట్ లాగా ఈరోజు పెరిగి రేపు దారుణంగా పడిపోయే ప్రమాదం ఇందులో తక్కువగా ఉంటుంది. అందుకే, ప్రతిరోజూ పేపర్‌లో, టీవీలో బంగారం ధర ఎలా ఉందో అని చూసేవాళ్ళు లక్షల్లో ఉంటారు. చిన్నగా పొదుపు చేసుకునే సామాన్యుడి నుండి, పెద్ద పెద్ద ఇన్వెస్టర్ల వరకు అందరి దృష్టీ బంగారం ధరల మీదే ఉంటుంది.

ఈరోజు ఢిల్లీ మార్కెట్‌లో బంగారం ధరలో ఒక చిన్న, చాలా చిన్న మార్పు వచ్చింది. ధరలు కొద్దిగా, అంటే కేవలం ఒకే ఒక్క రూపాయి తగ్గాయి. ఈ మార్పు చాలా చిన్నదిగా అనిపించినా, అసలు మార్కెట్‌లో ఏం జరుగుతోంది? ఈ తగ్గుదల వెనుక కారణం ఏంటి? రాబోయే రోజుల్లో ధరలు పెరుగుతాయా, లేక ఇంకా తగ్గుతాయా? ఇప్పుడు బంగారం కొనడం మంచిదేనా? ఇలాంటి ప్రశ్నలన్నిటికీ ఈ వీడియోలో సమాధానాలు తెలుసుకుందాం.

మనం ముందుగా ఈరోజు తాజా ధరలను, నిన్నటి ధరలతో పోల్చి చూద్దాం. ఈరోజు, అంటే అక్టోబర్ 27వ తేదీన, హైదరాబాద్ మార్కెట్‌లో ధరలు ఇలా ఉన్నాయి:

24 క్యారెట్ల బంగారం: 24 క్యారెట్లని స్వచ్ఛమైన బంగారం అంటారు. ఇందులో 99.9% బంగారం ఉంటుంది. దీని ధర ఈరోజు ఒక గ్రాముకు ₹12,576 గా ఉంది. నిన్న, అంటే అక్టోబర్ 26వ తేదీన, దీని ధర ₹12,577 గా ఉంది. అంటే, గ్రాముకు కేవలం ఒక రూపాయి తగ్గింది.

22 క్యారెట్ల బంగారం: మన ఆభరణాలు ఎక్కువగా 22 క్యారెట్ల బంగారంతోనే చేస్తారు. ఇందులో కొద్దిగా ఇతర లోహాలను కలుపుతారు, అప్పుడే అది గట్టిగా ఉండి, నగలు చేయడానికి వీలుగా ఉంటుంది. ఈరోజు 22 క్యారెట్ల బంగారం గ్రాము ధర ₹11,529 గా ఉంది. నిన్న దీని ధర ₹11,530 గా ఉంది. ఇక్కడ కూడా గ్రాముకు ఒక రూపాయి మాత్రమే తగ్గింది.

18 క్యారెట్ల బంగారం: కొన్ని రకాల డిజైన్ నగల కోసం 18 క్యారెట్ల బంగారాన్ని కూడా వాడతారు. దీని ధర ఈరోజు గ్రాముకు ₹9,436 గా ఉంది. నిన్న దీని ధర ₹9,437. ఇక్కడ కూడా తేడా కేవలం ఒక రూపాయి మాత్రమే.

ఈ ఒక్క రూపాయి తగ్గుదల అనేది మార్కెట్‌లో పెద్ద కదలిక ఏమీ కాదని మనం అర్థం చేసుకోవాలి. ఇది దాదాపు 'ధర స్థిరంగా ఉంది' అని చెప్పడానికి గుర్తు. అయితే, మనం బంగారం ధరలను అర్థం చేసుకోవాలంటే, ఈ ఒక్క రోజు తేడా చూస్తే సరిపోదు. పోయిన వారంతో, పోయిన నెలతో, ముఖ్యంగా పోయిన ఏడాదితో పోల్చి చూసినప్పుడే మనకు అసలైన ట్రెండ్ అర్థమవుతుంది.

పోయిన వారంతో పోలిస్తే ధరలు ప్రస్తుతం ఎలా ఉన్నాయో చూద్దాం….

ఈరోజు 24 క్యారెట్ల బంగారం ధర ₹12,576 గా ఉంది కదా. కానీ సరిగ్గా వారం క్రితం, అంటే అక్టోబర్ 19వ తేదీన, దీని ధర ఏకంగా ₹12,712 గా ఉంది. అంటే, ఈ ఒక్క వారంలోనే గ్రాము బంగారం మీద ధర సుమారు ₹136 తగ్గింది. ఇది గమనించాల్సిన విషయం. అంటే, పోయిన వారం ఉన్న వేడి ఇప్పుడు మార్కెట్‌లో కొంచెం చల్లబడింది అని అర్థం.

పోయిన నెలతో పోలిస్తే ప్రస్తుతం మార్కెట్ ధరలు ఎలా ఉన్నాయో ఇప్పుడు చూద్దాం…

ఇక పోయిన నెల విషయానికి వస్తే, సరిగ్గా నెల క్రితం, అంటే సెప్టెంబర్ 27వ తేదీన, 24 క్యారెట్ల బంగారం ధర గ్రాముకు ₹12,500 మాత్రమే. కానీ ఈరోజు ధర ₹12,576. అంటే, నెల రోజుల లెక్కన చూసుకుంటే, బంగారం ధర తగ్గలేదు, నిజానికి గ్రాముకు ₹76 పెరిగింది. దీన్ని బట్టి మనకు ఏం అర్థమవుతుంది? బంగారం ధర ఎప్పుడూ ఒకేలా ఉండదు. వారానికి తగ్గినా, నెల మొత్తంలో చూస్తే లాభమే కనిపించింది. అందుకే బంగారం ధరల్లో 'వొలటిలిటీ' అంటే హెచ్చుతగ్గులు ఎక్కువగా ఉంటాయని అంటారు.

పోయిన ఏడాదితో పోలిస్తే ప్రస్తుతం మార్కెట్ ధరలు ఎలా ఉన్నాయో ఇప్పుడు చూద్దాం…

ఇప్పుడు అసలు విషయానికి వద్దాం. సరిగ్గా పోయిన సంవత్సరం ఇదే రోజున, అంటే అక్టోబర్ 27న, 24 క్యారెట్ల బంగారం ధర ఎంతో తెలుసా? కేవలం ₹8,044 మాత్రమే. కానీ ఈరోజు అదే బంగారం ధర ₹12,576. అంటే, కేవలం ఒకే ఒక్క సంవత్సరంలో, గ్రాము బంగారం మీద ₹4,500 పైగా లాభం వచ్చింది. ఇది మామూలు విషయం కాదు.

అలాగే, పోయిన సంవత్సరం 22 క్యారెట్ల బంగారం ధర గ్రాముకు ₹7,375 ఉంటే, ఇప్పుడు అది ₹11,529 కి చేరింది. దీన్ని బట్టి, తక్కువ టైమ్‌లో చూస్తే ధరలు తగ్గినట్లు, పెరిగినట్లు అనిపించినా, 'లాంగ్-టర్మ్' (Long-term) అంటే ఎక్కువ కాలం పాటు బంగారాన్ని ఉంచుకుంటే, అది ఎంత పెద్ద లాభాన్ని ఇస్తుందో మనకు స్పష్టంగా అర్థమవుతుంది. పోయిన సంవత్సరం బంగారం కొన్నవాళ్లు ఇప్పుడు చాలా సంతోషంగా ఉన్నారన్నమాట.

ఈ ధరల మార్పుల వెనుక అసలు కారణాలు ఏమిటి? ఈరోజు ఆ ఒక్క రూపాయి ఎందుకు తగ్గింది? భవిష్యత్తులో ఏం జరగవచ్చు? ఈ ప్రశ్నలకు సీనియర్ ఎకనామిస్ట్ (Senior Economist) డాక్టర్ షాత్ కోహ్లీ గారు చాలా వివరంగా సమాధానాలు ఇచ్చారు.

మొదటి కారణం…

ఈరోజు ధరలో కనిపించిన ఆ ఒక్క రూపాయి తగ్గుదల చాలా చిన్న విషయం అని, దానికి పెద్ద కారణం లేదని ఆయన అన్నారు. సాధారణంగా వారాంతంలో, అంటే శని, ఆదివారాల తర్వాత మార్కెట్ తెరుచుకున్నప్పుడు, ధరలు కొంచెం 'సెటిల్' లేదా 'కన్సాలిడేట్' అవుతాయి. అంటే, కొంచెం నెమ్మదిస్తాయి. ఇది అలాంటిదే తప్ప, పెద్ద మార్పు కాదని ఆయన అన్నారు.

రెండో కారణం…

అయితే, ఈ చిన్న మార్పు కన్నా మనం రాబోయే రెండు పెద్ద విషయాల గురించి ఎక్కువ ఆలోచించాలని డాక్టర్ కోహ్లీ హెచ్చరించారు. ఈ రెండు సంఘటనలు బంగారం ధరలను రాబోయే రోజుల్లో పూర్తిగా మార్చేయగలవు.

మొదటిది: కామెక్స్ కాంట్రాక్ట్ ఎక్స్‌పైరీ
'కామెక్స్' అనేది న్యూయార్క్‌లో ఉన్న ఒక పెద్ద గ్లోబల్ మార్కెట్. ఇక్కడే బంగారం భవిష్యత్తు ధరలను నిర్ణయించే పెద్ద పెద్ద కాంట్రాక్టులు జరుగుతాయి. ఈ నెల కాంట్రాక్టులు అక్టోబర్ 29న ముగుస్తున్నాయి . ఇలా కాంట్రాక్టులు ముగిసే సమయంలో, మార్కెట్‌లో పెద్ద ఎత్తున కొనుగోళ్లు, అమ్మకాలు జరుగుతాయి. దీనివల్ల బంగారం ధరలో పెద్ద కదలిక వచ్చే అవకాశం ఉంటుంది.

రెండవది: అమెరికా - చైనా ప్రెసిడెంట్ల మీటింగ్
ఇది అన్నిటికన్నా ముఖ్యమైన విషయం. ప్రస్తుతం ప్రపంచంలోని రెండు పెద్ద దేశాలైన అమెరికా మరియు చైనా మధ్య 'ట్రేడ్ వార్' అంటే వ్యాపార గొడవలు నడుస్తున్నాయి. ఒకరి వస్తువులపై ఒకరు భారీగా పన్నులు వేసుకుంటున్నారు. దీనివల్ల ప్రపంచ ఆర్థిక వ్యవస్థ ఇబ్బందుల్లో ఉంది.
అయితే, అక్టోబర్ 30న ఈ ఇద్దరు పెద్ద నాయకులు కలుసుకుని మాట్లాడుకోబోతున్నారు. ఈ మీటింగ్ ఫలితం మీదే బంగారం భవిష్యత్తు ఆధారపడి ఉంది.

ఒకవేళ మీటింగ్ సక్సెస్ అయితే.. ఇద్దరూ కోపాలు తగ్గించుకుని, పన్నుల యుద్ధాన్ని ఆపేసి, వ్యాపారం చేసుకోవడానికి ఒప్పుకుంటే , అది ప్రపంచ మార్కెట్‌కు మంచి వార్త. అప్పుడు అందరిలో భయం పోయి, ధైర్యం వస్తుంది. ప్రజలు అప్పుడు డబ్బును బంగారం మీద కాకుండా, స్టాక్ మార్కెట్, ఇతర బిజినెస్‌లలో పెడతారు. అలా జరిగినప్పుడు, బంగారం మీద డిమాండ్ తగ్గి, ధరలు కిందికి పడతాయి .

ఒకవేళ మీటింగ్ ఫెయిల్ అయితే: వారిద్దరి మధ్య గొడవ ఇంకా పెరిగితే, లేదా ఏ ఒప్పందం కుదరకపోతే, ప్రపంచ ఆర్థిక వ్యవస్థపై మళ్లీ భయం మొదలవుతుంది. ఇలా భయంగా ఉన్నప్పుడు, ప్రపంచంలోని ఇన్వెస్టర్లందరూ తమ డబ్బును కాపాడుకోవడానికి ఒకే ఒక్క 'సేఫ్' మార్గాన్ని చూస్తారు. అదే 'బంగారం'. అందరూ ఒకేసారి బంగారాన్ని కొనడం మొదలుపెడతారు. అప్పుడు డిమాండ్ అమాంతం పెరిగి, బంగారం ధరలు ఆకాశానికి దూసుకుపోతాయి .

మూడో కారణం…

ఇది కాకుండా, అమెరికాలో కొంతమంది పెద్ద వ్యాపారులు, బ్యాంకర్లు కలిసి ఒక 'సిండికేట్' గా ఏర్పడి, బంగారం ధరలను కావాలనే కృత్రిమంగా తక్కువగా ఉంచడానికి ప్రయత్నిస్తున్నారని, ఆ ఒత్తిడి కూడా మార్కెట్‌పై పనిచేస్తోందని డాక్టర్ కోహ్లీ అన్నారు.

ఇప్పుడు బంగారం కొనవచ్చా?

ఇన్ని విషయాలు జరుగుతున్నప్పుడు, మనలాంటి సామాన్య ప్రజలు లేదా చిన్న ఇన్వెస్టర్లు ఏం చేయాలి? ఇప్పుడు బంగారం కొనవచ్చా?

దీనికి నిపుణులు ఒక మంచి సలహా ఇచ్చారు. ఇది బంగారం కొనడానికి ఇది ఒక మంచి అవకాశం . ఎందుకంటే, ఇంతకుముందు ఒకానొక సమయంలో బంగారం ధరలు విపరీతంగా పెరిగిపోయాయి. అంత ఎక్కువ ధరలతో పోలిస్తే, ఇప్పుడు ధరలు కొంచెం తగ్గాయి.

అందుకని, కొనాలనుకునే వారు ఒకేసారి పెద్ద మొత్తంలో కాకుండా, 'స్మాలర్ లాట్స్‌' లో అంటే కొద్ది కొద్దిగా కొనుగోలు చేయడం మంచిది. ఉదాహరణకు, మీరు 10 తులాల బంగారం కొనాలనుకుంటే, ఒకేసారి కొనకుండా, ఈ వారం రెండు తులాల, ధర కొంచెం మారినప్పుడు మరో రెండు తులాల... ఇలా కొద్ది కొద్దిగా కొనుగోలు చేస్తూ పోవాలి. దీనివల్ల ధరల హెచ్చుతగ్గుల రిస్క్ తగ్గుతుంది.

ముఖ్యంగా, 'లాంగ్-టర్మ్' అంటే ఎక్కువ కాలం  కోసం దాచుకోవాలి అనుకునేవారికి, బంగారం ధరలు భవిష్యత్తులో ఖచ్చితంగా పెరుగుతాయనే నమ్మకం  ఉందని నిపుణులు స్పష్టం చేశారు

చివరగా, మన ఇండియాలో బంగారం ధరలను ఎవరు నిర్ణయిస్తారు? మన ధరలకు, బయట దేశాల ధరలకు సంబంధం ఉంటుందా? అంటే, ఖచ్చితంగా ఉంటుంది. మన ఇండియన్ మార్కెట్లు పూర్తిగా గ్లోబల్ మార్కెట్ల మీదే ఆధారపడి నడుస్తాయి. ముఖ్యంగా, న్యూయార్క్‌లో ఉన్న 'కామెక్స్' మార్కెట్ ప్రపంచంలోనే అతిపెద్దది. ఒకప్పుడు లండన్ మార్కెట్ లీడర్‌గా ఉండేది, కానీ ఇప్పుడు న్యూయార్క్ మార్కెట్టే ధరలను శాసిస్తోంది. అక్కడ డాలర్లలో, 'ట్రాయ్ ఔన్స్' లెక్కన బంగారం ధర నిర్ణయించబడుతుంది.

మన దేశంలోని 'సరాఫా బజార్ అసోసియేషన్' వాళ్ళు ప్రతిరోజూ ఆ గ్లోబల్ ధరను తీసుకుని, దానిని మన ఇండియన్ రూపాయిలలోకి, మరియు '10 గ్రాముల' లెక్కలోకి మార్చి, ఇక్కడ అధికారిక ధరలను ప్రకటిస్తారు. అందుకే, అమెరికాలో ఏ చిన్న గొడవ జరిగినా, దాని ప్రభావం వెంటనే మన బంగారం ధరలపై పడుతుంది.